WELCOME TO THE GOVERNMENT OFFICIAL BLOG: CONTACT US: P.O.BOX 8031 DAR ES SALAAM, E-MAIL: maelezo@habari.go.tz/maelezopress@yahoo.com FIND US ON FACEBOOK >>> www.facebook.com/Habari Maelezo, FOLLOW US ON TWITTER >>> @Habari_Maelezo.KARIBUNI

Saturday, 25 June 2016

WATANZANIA WAASWA KUFANYA USAFI WA MAZINGIRA KWA HIARI BILA SHURUTI.


Baadhi ya Wafanyakazi wa DAWASA waliokutwa wakifanya usafi wa mazingira kutii agizo la Kufanya Usafi kwa kila Jumamosi ya kila mwisho wa mwezi  ili kuyaweka maeneo ya Ofisi za Malamka hiyo katika hali ya usafi.
Baadhi ya Wakazi wa Mwananyamala wakipakia Taka walizozoa katika mitaa yao katika gari la kuzoa Taka la Manispaa ya Kinondoni.
Wafanyakazi wa Mamlaka ya Maji Safi na Maji Taka Dar es salaam (DAWASA) Wakiwa katika picha ya pamoja mara baada ya kumalizika kwa zoezi la kufanya usafi wa Mazingira katika maeneo mbalimbali, Mwananyamala jijini Dar es salaam.
Baadhi ya Wafanyakazi wa DAWASA waliokutwa wakifanya usafi wa mazingira kutii agizo la Kufanya Usafi kwa kila Jumamosi ya kila mwisho wa mwezi  ili kuyaweka maeneo ya Ofisi za Malamka hiyo katika hali ya usafi.
Wafanyabiashara na wananchi katika soko la vyakula la Buguruni, Ilala wakiendelea na shughuli zao mara baada ya kumalizika kwa muda uliotengwa wa kufanya usafi wa mazingira leo jijini Dar es salaam.
Baadhi ya vijana wanaofanya biashara ya kubeba abiria kwa kutumia pikipiki ( Bodaboda) wakifanya biashara katika eneo chafu, karibu na reli ya kati eneo la Tazara hali inayoonesha kuwa wamekaidi  agizo la kufanya Usafi wa mazingira.
Baadhi ya matunda aina ya machungwa yakiuzwa katika eneo ambalo halijasafishwa vizuri eneo la Banana, Ukonga jijini Dar es salaam. 


Na.Aron Msigwa- Dar es salaam.

Wito umetolewa kwa Taasisi,mashirika, makampuni na watu binafsi kuanzia ngazi ya familia kuendelea kuitumia Siku ya jumamosi ya kila mwisho wa mwezi kufanya usafi wa mazingira, kupanda miti na kutunza vyanzo vya maji kwa hiari bila kusubiri kushurutishwa  na sheria  kwa manufaa ya kizazi cha sasa na kizazi kijacho.

Wakizungumza kwa nyakati tofauti baadhi ya wananchi wakiwemo wafanyabiashara na wafanyakazi   wa  taasisi na mashirika mbalimbali  waliokuwa wakitekeleza wakifanya usafi katika maeneo mbalimbali ya jiji la Dar es salaam leo wamesema kuwa hatua ya  Serikali kuirasimisha Siku ya jumamosi ya kila mwisho wa mwezi  kuwa siku ya usafi wa mazingira  kitaifa inaweka msisitizo kuhusu jukumu la kila mwananchi kuwa mlinzi na mwangalizi wa mazingira katika sehemu anayoishi.

Wamesema Suala la usafi wa mazingira linawahusu watu wote, hivyo kila mwananchi anao wajibu wa kushiriki kikamilifu kufanya Usafi wa Mazingira kwenye Makazi yake, Maeneo ya Biashara, maeneo ya Taasisi za Umma na maeneo yenye mikusanyiko ya watu mbalimbali kama masoko na minada.

Bi. Zaituni Musa mkazi wa Mwananyamala, Kinondoni jijini Dar es salaam aliyekuwa akisafisha mifereji eneo la mtaa anaoishi akishirikiana na wananchi wenzake amesema kuwa suala la usafi wa mazingira ni jukumu la kila mwananchi bila kuangalia cheo au nafasi yake katika jamii kwa kuwa kuishi katika mazingira machafu kuna athari kubwa kiafya hususan kuchangia milipuko ya magonjwa ikiwemo Kipindupindu.

" Suala la usafi wa mazingira linatuhusu sote, ni wakati wa kuchukua hatua na kuacha kuishi kwa mazoea,nawaomba watanzania wenzangu tufanye usafi bila kulazimishwa na Serikali kila mmoja atimize wajibu wake" Amesisitiza Bi.Zaituni.

Nao  baadhi ya wafanyabiashara wenye maduka eneo la Mwananyamala na  wale wa Soko la vyakula la Buguruni, Manispaa ya Ilala waliokuwa wamefunga maduka na biashara zao kupisha muda wa kufanya usafi wa mazingira kuanzia saa 12 hadi saa 4 asubuhi wamesema kuwa uamuzi wa Serikali kuitangaza Jumamosi ya kila mwisho wa mwezi kuwa Siku ya Usafi wa mazingira unatoa fursa kwao Kufanya Usafi wa mazingira katika maeneo wanayofanyia biashara tofauti na awali.

" Watanzania wote wa Mijini na Vijijini tujenge desturi ya kuweka mazingira yetu katika hali ya usafi wakati wote na katika jambo hili kila mmoja wetu awe mlinzi wa kukemea watu wenye tabia za kutupa taka hovyo ili maeneo yetu yawe katika hali ya usafi na yakuvutia wakati wote" Amesisitiza Bw. Haule John mmoja wa wafanyabiashara hao.

Aidha, wamesisitiza kuwa ili kuyaweka maeneo mbalimbali katika hali ya usafi  Sheria ya Mazingira ya mwaka 2004 lazima itumike kwa mtu yeyote atakayekaidi kufanya usafi siku hiyo kutozwa faini isiyopungua shilingi elfu hamsini au kifungo cha kuanzia miezi mitatu mpaka miaka saba, faini ya shilingi laki mbili ya papo hapo na shilingi milioni tano    kwa kampuni au taasisi  itakayotupa taka hovyo atatozwa.

Ikumbukwe kuwa Desemba 23 mwaka jana, Serikali kupitia kwa Naibu Waziri, Ofisi ya Makamu wa Rais Muungano na Mazingira Mhe.Luhaga Mpina ilitangaza kuwa usafi wa mazingira nchi nzima utakuwa ukifanyika kila Jumamosi ya mwisho wa mwezi. 

Mhe.Mpina alisema kuwa hatua kali za kisheria zitachukuliwa dhidi ya viongozi na watendaji wanaopuuzia kusimamia shughuli za usafi katika siku hiyo pia kwa wananchi wanaoshindwa kufanya usafi katika maeneo yao kwa mujibu wa sheria ya mazingira ya mwaka 2004 na kanuni zake pamoja na Sheria ndogo.

Aidha, kabla ya jumamosi ya kila mwezi kutangazwa kuwa siku ya Usafi nchini, Rais wa Jamhuri ya Muungano wa Tanzania Dkt.John Pombe Magufuli kwa kuzingatia sheria ya Sikukuu za Kitaifa, aliamua maadhimisho ya sherehe za Uhuru , 9 Desemba 2015 kwa upande wa Tanzania Bara yatumike kufanya usafi wa mazingira nchi nzima na kuhamasisha watu kujituma kufanya kazi.



WATANZANIA WAASWA KUFANYA USAFI WA MAZINGIRA KWA HIARI BILA SHURUTI.


Baadhi ya Wafanyakazi wa DAWASA waliokutwa wakifanya usafi wa mazingira kutii agizo la Kufanya Usafi kwa kila Jumamosi ya kila mwisho wa mwezi  ili kuyaweka maeneo ya Ofisi za Malamka hiyo katika hali ya usafi.
Baadhi ya Wakazi wa Mwananyamala wakipakia Taka walizozoa katika mitaa yao katika gari la kuzoa Taka la Manispaa ya Kinondoni.
Wafanyakazi wa Mamlaka ya Maji Safi na Maji Taka Dar es salaam (DAWASA) Wakiwa katika picha ya pamoja mara baada ya kumalizika kwa zoezi la kufanya usafi wa Mazingira katika maeneo mbalimbali, Mwananyamala jijini Dar es salaam.
Baadhi ya Wafanyakazi wa DAWASA waliokutwa wakifanya usafi wa mazingira kutii agizo la Kufanya Usafi kwa kila Jumamosi ya kila mwisho wa mwezi  ili kuyaweka maeneo ya Ofisi za Malamka hiyo katika hali ya usafi.
Wafanyabiashara na wananchi katika soko la vyakula la Buguruni, Ilala wakiendelea na shughuli zao mara baada ya kumalizika kwa muda uliotengwa wa kufanya usafi wa mazingira leo jijini Dar es salaam.
Baadhi ya vijana wanaofanya biashara ya kubeba abiria kwa kutumia pikipiki ( Bodaboda) wakifanya biashara katika eneo chafu, karibu na reli ya kati eneo la Tazara hali inayoonesha kuwa wamekaidi  agizo la kufanya Usafi wa mazingira.
Baadhi ya matunda aina ya machungwa yakiuzwa katika eneo ambalo halijasafishwa vizuri eneo la Banana, Ukonga jijini Dar es salaam. 


Na.Aron Msigwa- Dar es salaam.

Wito umetolewa kwa Taasisi,mashirika, makampuni na watu binafsi kuanzia ngazi ya familia kuendelea kuitumia Siku ya jumamosi ya kila mwisho wa mwezi kufanya usafi wa mazingira, kupanda miti na kutunza vyanzo vya maji kwa hiari bila kusubiri kushurutishwa  na sheria  kwa manufaa ya kizazi cha sasa na kizazi kijacho.

Wakizungumza kwa nyakati tofauti baadhi ya wananchi wakiwemo wafanyabiashara na wafanyakazi   wa  taasisi na mashirika mbalimbali  waliokuwa wakitekeleza wakifanya usafi katika maeneo mbalimbali ya jiji la Dar es salaam leo wamesema kuwa hatua ya  Serikali kuirasimisha Siku ya jumamosi ya kila mwisho wa mwezi  kuwa siku ya usafi wa mazingira  kitaifa inaweka msisitizo kuhusu jukumu la kila mwananchi kuwa mlinzi na mwangalizi wa mazingira katika sehemu anayoishi.

Wamesema Suala la usafi wa mazingira linawahusu watu wote, hivyo kila mwananchi anao wajibu wa kushiriki kikamilifu kufanya Usafi wa Mazingira kwenye Makazi yake, Maeneo ya Biashara, maeneo ya Taasisi za Umma na maeneo yenye mikusanyiko ya watu mbalimbali kama masoko na minada.

Bi. Zaituni Musa mkazi wa Mwananyamala, Kinondoni jijini Dar es salaam aliyekuwa akisafisha mifereji eneo la mtaa anaoishi akishirikiana na wananchi wenzake amesema kuwa suala la usafi wa mazingira ni jukumu la kila mwananchi bila kuangalia cheo au nafasi yake katika jamii kwa kuwa kuishi katika mazingira machafu kuna athari kubwa kiafya hususan kuchangia milipuko ya magonjwa ikiwemo Kipindupindu.

" Suala la usafi wa mazingira linatuhusu sote, ni wakati wa kuchukua hatua na kuacha kuishi kwa mazoea,nawaomba watanzania wenzangu tufanye usafi bila kulazimishwa na Serikali kila mmoja atimize wajibu wake" Amesisitiza Bi.Zaituni.

Nao  baadhi ya wafanyabiashara wenye maduka eneo la Mwananyamala na  wale wa Soko la vyakula la Buguruni, Manispaa ya Ilala waliokuwa wamefunga maduka na biashara zao kupisha muda wa kufanya usafi wa mazingira kuanzia saa 12 hadi saa 4 asubuhi wamesema kuwa uamuzi wa Serikali kuitangaza Jumamosi ya kila mwisho wa mwezi kuwa Siku ya Usafi wa mazingira unatoa fursa kwao Kufanya Usafi wa mazingira katika maeneo wanayofanyia biashara tofauti na awali.

" Watanzania wote wa Mijini na Vijijini tujenge desturi ya kuweka mazingira yetu katika hali ya usafi wakati wote na katika jambo hili kila mmoja wetu awe mlinzi wa kukemea watu wenye tabia za kutupa taka hovyo ili maeneo yetu yawe katika hali ya usafi na yakuvutia wakati wote" Amesisitiza Bw. Haule John mmoja wa wafanyabiashara hao.

Aidha, wamesisitiza kuwa ili kuyaweka maeneo mbalimbali katika hali ya usafi  Sheria ya Mazingira ya mwaka 2004 lazima itumike kwa mtu yeyote atakayekaidi kufanya usafi siku hiyo kutozwa faini isiyopungua shilingi elfu hamsini au kifungo cha kuanzia miezi mitatu mpaka miaka saba, faini ya shilingi laki mbili ya papo hapo na shilingi milioni tano    kwa kampuni au taasisi  itakayotupa taka hovyo atatozwa.

Ikumbukwe kuwa Desemba 23 mwaka jana, Serikali kupitia kwa Naibu Waziri, Ofisi ya Makamu wa Rais Muungano na Mazingira Mhe.Luhaga Mpina ilitangaza kuwa usafi wa mazingira nchi nzima utakuwa ukifanyika kila Jumamosi ya mwisho wa mwezi. 

Mhe.Mpina alisema kuwa hatua kali za kisheria zitachukuliwa dhidi ya viongozi na watendaji wanaopuuzia kusimamia shughuli za usafi katika siku hiyo pia kwa wananchi wanaoshindwa kufanya usafi katika maeneo yao kwa mujibu wa sheria ya mazingira ya mwaka 2004 na kanuni zake pamoja na Sheria ndogo.

Aidha, kabla ya jumamosi ya kila mwezi kutangazwa kuwa siku ya Usafi nchini, Rais wa Jamhuri ya Muungano wa Tanzania Dkt.John Pombe Magufuli kwa kuzingatia sheria ya Sikukuu za Kitaifa, aliamua maadhimisho ya sherehe za Uhuru , 9 Desemba 2015 kwa upande wa Tanzania Bara yatumike kufanya usafi wa mazingira nchi nzima na kuhamasisha watu kujituma kufanya kazi.



Halmashauri nchini zatakiwa kutokuwa wabadhirifu wa fedha za miradi

Katibu Mkuu Ofisi ya Rais Tawala za Mikoa na Serikali za Mitaa (OR-TAMISEMI) Mhandisi Mussa Iyombe akizungumza wakati wa hafla ya uzinduzi wa mradi Kukabiliana na Mabadiliko ya Hali ya Hewa na Tabia nchi (Decentralized Climate Finance in Tanzania) leo mjini Dodoma.
Naibu Katibu Mkuu anayeshughulikia Afya Ofisi ya Rais Tawala za Mikoa na Serikali za Mitaa (OR-TAMISEMI) Dkt. Deo Mtasiwa akizungumza wakati wa hafla ya uzinduzi wa mradi Kukabiliana na Mabadiliko ya Hali ya Hewa na Tabia nchi (Decentralized Climate Finance in Tanzania) leo mjini Dodoma
Meneja Miradi wa Mfuko wa Umoja wa Taifa wa Maendeleo (UNCDF) Bw. Fakri Karim akiwasilisha mada namna mfuko wao unavyoshiriki katika mradi wa Kukabiliana na Mabadiliko ya Hali ya Hewa na Tabia nchi (Decentralized Climate Finance in Tanzania) wakat wa uzinduzi wa mradi huo leo mjini Dodoma.
MwakilishiMshauri wa Taasisi ya Kimataifa ya Mazingira na Maendeleo (IIED)  Alais Morindat akielezea chimbuko la mradi wa Kukabiliana na Mabadiliko ya Hali ya Hewa na Tabia nchi (Decentralized Climate Finance in Tanzania) wakati wa uzinduzi wa mradi huo leo mjini Dodoma.
Baadhi ya wadu wadau wa mradi wa Mabadiliko ya Hali ya Hewa na Tabia nchi akiwemo mwakilishi wa mtandao wa wanahabari watoto wanaoshughulika na mabadiliko ya tabia nchi Bi. Getrude Clement (16) mwenye tisheti ya kijani wakifuatilia mada wakati wa uzinduzi wa mradi huo leo mjini Dodoma.
Katibu Mkuu Ofisi ya Rais Tawala za Mikoa na Serikali za Mitaa (OR-TAMISEMI) Mhandisi Mussa Iyombe (watano kutoka kushoto) akiwa katika picha ya pamoja na wadau mbalimbali wa maendeleo katika uzinduzi wa mradi wa Kukabiliana na Mabadiliko ya Hali ya Hewa na Tabia nchi (Decentralized Climate Finance in Tanzania) mjini Dodoma leo.

Picha na: Nasra Mwangamilo, TAMISEMI

Na: Mwandishi Wetu,Dodoma.
Halmashauri nchini zatakiwa kufanya kazi kwa weledi na ufanisi ili kuleta matokeo chanya na kwa wakati, huku wakijiepusha na ufujaji rasilimali za umma wakati wa utekelezaji wa miradi mbalimbali ya maendeleo.
Hayo yamebainishwa na Katibu Mkuu Ofisi ya Rais Tawala za Mikoa na Serikaliza Mitaa (OR-TAMISEMI) Mhandisi Mussa Iyombe alipokuwa akimwakilisha Waziri wa nchi OR – TAMISEMI Mhe. George Simbachawene katika uzinduzi rasmi wa mradi wa Kukabiliana na Mabadiliko ya Hali ya Hewa na Tabia nchi (Decentralized Climate Finance in Tanzania) leo mjini Dodoma.
“Niseme tu kuwa nategemea utendaji wenye matokeo chanya kwa kufanya hiyvo kutajenga imani kwa wafadhili, Wakurugenzi wote nchini fanyeni kazi kwa weledi,ufanisi na muepuke kufuja mali za umma” Alisema Mhandisi Iyombe.
Mhandisi Iyombe aliongeza kuwa mradi huu umelenga kuwajengea uwezo wanajamii katika kukabiliana na athari za mabadiliko ya hali ya hewa na tabia nchi ambapo juhudi mbalimbali zimekuwa zikifanyika katika kukabiliana na hilo.
Serikali kwa kushirikiana na wadau wa maendeleo hususan Shirika la Kimataifa la Mazingira na Maendeleo (IIED), Haki Kazi Catalyst (HKC), Jumuiko la Maliasili Tanzania(TNRF) chini ya ufadhili wa Serikali ya Uingereza (UK-aid) na Mfuko wa Umoja wa Mataifa wa Maendeleo (UNCDF LoCAL) itatekeleza mradi huu katka Halmashauri 15 nchini.
Halmashauri hizo ni pamoja na Kondoa, Bahi, Manyoni, Mpwapwa, Kiteto, Same, Simanjiro, Kilwa, Siha, Mbulu, Iramba na Pangani ambazo zimejumuishwa na Halmashauri za Monduli, Ngorongoro na Longido zilizokuwa katika mradi wa majaribio.
Kwa upande wake Naibu Katibu Mkuu anyeshughulikia Afya kutoka OR-TAMISEMI Deo Mtasiwa amesema kuwa kwakuwa Serikali tayari imekwisha tengeneza mfumo imara ilikuhakikisha utekelezaji wa mradi huo unafanikiwa kuanzia ngazi ya kijiji.

Akizungumza wakati wa uzinduzi wa mradi huu MwakilishiMshauri wa Taasisi ya Kimataifa ya Mazingira na Maendeleo (IIED) Alais Morindat alisema kuwa mabadiliko ya hali ya hewa siyo kitu kipya na kuongeza kuwa historia ya mradi huo inatokana na athari zilizojitokeza katika jamii za wafugaji katika maeneo ya Kasikazini mwa Tanzania ambapo mifugo mingi katika maeneo ya Monduli, Ngorongoro na Longido ilipoteza uhai.

Wizara ya Fedha na Mipango yatoa elimu ya ubia Kati ya Sekta binafsi na Sekta ya Umma kwa wabunge.



 Mgeni Rasmi, Naibu Spika wa Bunge la Jamhuri ya Muungano wa Tanzania Mhe. Dkt. Tulia Ackson akifungua Semina  iliyoandaliwa na Wizara ya Fedha na Mipango kuhusu Ubia kati ya Sekta Binafsi na Sekta  ya Umma ilifofanyika leo Mjini Dodoma katika ukumbi wa Pius Mswekwa ikiwa na Lengo la kuwajengea uwezo wabunge kuhusu umuhimu wa kushirikisha Sekta Binafsi katika miradi ya maendeleo.


Waziri wa Nchi Ofisi ya Waziri Mkuu Sera Uratibu Bunge Vijana Kazi Ajira na Walemavu Mhe. Jenista Mhagama(wa kwanza kushoto) akifuatilia Semina iliyoandaliwa na Wizara ya Fedha na Mipango ikilenga kuwajengea uwezo wabunge kuhusu umuhimu wa kushirikiana kati ya Sekta Binafsi na ile ya Umma (PPP) Katika miradi ya maendeleo. Kulia ni Spika wa Bunge Mhe. Tulia Ackson ambaye alikuwa mgeni rasmi katika semina hiyo.


Mbunge wa Ileje Mhe. Janet Mbene akitoa maoni yake  wakati wa semina ya kuwajengea uwezo wabunge kuhusu  umuhimu wa kushirikisha Sekta Binafsi katika miradi ya maendeleo.


Mbunge wa Viti Maalum Mhe. Sophia Simba akitoa maelezo  jinsi miradi itakayotekelezwa kwa ubia kati ya Serikali na Sekta Binafsi inavyoweza kuchangia kukuza maendeleo.

Spika wa Bunge la Jamhuri ya Muungano wa Tanzania Mhe. Dkt. Tulia Ackson (katikati)akifurahia jambo mapema leo Bungeni Mjini Dodoma wakati wa semina ya kuwajengea uwezo Wabunge kuhusu umuhimu wa Ubia kati ya Sekta Binafsi na Sekta ya Umma (PPP)  . Kulia ni Katibu Mkuu Wizara ya Fedha na Mipango Dkt. Servacius Likwelile na kushoto ni Makamu Mwenyekiti wa Kamati ya kudumu ya Bajeti Mhe. Josephat Kandege.


Makamu Mwenyekiti wa Kamati ya Bajeti Mhe. Josephat Kandege akiwakaribisha wajumbe kutoa maoni katika Semina iliyoandaliwa na Wizara ya Fedha na Mipango kwa lengo la kuwajengea uwezo Wabunge kuhusu umuhimu wa ubia kati ya Sekta Binafsi na Sekta ya Umma. Kulia ni Spika wa Bunge Mhe. Dkt. Tulia Ackson ambaye alikuwa Mgeni rasmi  kwenye semina hiyo.

( Picha na Frank Mvungi-Dodoma )

Na: Lilian Lundo – Dodoma – Maelezo

Wizara ya Fedha na Mipango leo Mjini Dodoma imetoa semina Kuhusu  ubia kati ya Sekta Umma na Sekta  Binafsi kwa wabunge wa Jamhuri ya Muungano wa Tanzania.

Semina hiyo iliyofunguliwa na Naibu Spika Mhe. Tulia Ackson  ambaye alikuwa mgeni rasmi kwenye semina hiyo ambapo  mada  kuhusu utaratibu  huo iliwasilishwa na Kamishna  anayesimamia Idara inayoratibu  ubia kati ya Sekta ya Umma na Sekta Binafsi kutoka Wizara hiyo Dkt. Frank Mhilu.

“Ubia kati ya Sekta ya Umma na Sekta Binafsi ni mkataba wa muda mrefu wa kuanzia miaka 5 hadi 30 na kuendelea kati ya kampuni ya mwekezaji binafsi na Taasisi ya Serikali ambapo mwekezaji binafsi anajenga miundombinu  au anapewa miundombinu ili aiboreshe kwa lengo la kutoa huduma ya umma kwa gharama nafuu  na baada ya mkataba kwisha miundombinu husika hurejeshwa kwa Serikali,” alifafanua Dkt. Mhilu.

Aidha Dkt. Mhilu aliendelea  kusema kuwa, ili kufanikiwa katika ubia lazima kuwe na maandalizi muhimu ambayo ni kuibua fursa za uwekezaji kwa mujibu wa mpango wa Taifa wa maendeleo, kufanya uchambuzi yakinifu ili kujiridhisha kuwa mradi una manufaa kwa uwekezaji kwa utaratibu wa ubia.

Vile vile kuandaa ardhi na miundombinu wezeshi, kutangaza miradi kwa uwazi, kujiridhisha ubora wa zabuni ya mwekezaji na namna ambavyo fedha zitapatikana na uwezo wa Taasisi ya Umma kusimamia mradi husika.

Pia Dkt. Mhilu aliitaja miradi ambayo iko katika hatua mbalimbali za ubia kuwa ni mradi wa mabasi ya haraka Dar es Salaam (DART), mradi wa kufua umeme wa Kinyerezi III (TANESCO), mradi wa barabara ya tozo wa  Dar – chalinze (TANROADS), mradi wa uzalishaji wa madawa muhimu (MSD) pia iko miradi ambayo imechambuliwa na kutolewa taarifa zake kwa ajili ya kuboreshwa.

Dkt. Mhilu amesema kuwa utaratibu wa ubia sasa utakuwa kwenye ofisi moja ambayo ni Wizara ya Fedha na Mipango ili kuweka ufanisi katika utekelezaji wake ikiwa ni maamuzi ambayo yamefanyika katika awamu ya Tano ya Mhe. Dkt. John Pombe Magufuli.

Miradi ya ubia ni mkombozi katika kuboresha Bajeti ya Serikali na kuharakisha maendeleo endapo tu fursa za uwekezaji zitabuniwa vizuri, miradi itaandaliwa vizuri na taarifa sahihi zitatumika katika kuandaa miradi, wawekezaji wapatikane  kwa njia ya haki, uwazi na ushindani pamoja na mwekezaji kusimamiwa vyema katika ujenzi, uendeshaji na urejeshaji wa miundombinu.